BE.259 Logu no.166
SAI BETA MA TONDINGKU

Ayat 1
Sai beta ma tondingku Tumopot surgo i
Saleleng ho di toru Ndang sonang rohami
Disi partuaonmu Disi do ingananmu
Disi ma sonang ho Ipe tu surgo do.

Ayat 2
Na mangaliliani Tostosi ma sude
Ai nunga dihophopi Tuhanta hita be.
Ai nunga ditaluhon Do dosa hamatean
Lao paluahon ho Ipe tu surgo do.

Ayat 3
Di ginjang do Amanta Parhuasian i
Ditatap do tondinta Sai naeng ma sonang i
Dilehon do ulosna Tinonun ni AnakNa
HatigoranNa i Sai topot surgo i.

Ayat 4
Malungun do rohangku O Jesuski di Ho
Marhabonghabong ahu Nian tumopot Ho
Mardomu dohot dongan Tumpak marhasonangan
Mamuji goarMi Tongtong di surgo i.

Ayat 5
Tu Ho do huparguru Na hupangido i
Ho ma haholonganku HataM oloanki
Sai Ho ma tataponku Paimahon pandokkonMu
Bongoti surgo i Tu hasoaganMi.
